NOTA - "None of the above"


උඩින් මුකුත් නොදා එක පාරටම None of the above කියලා කිවුවම මේ මොකක්ද කියලා හිතුණද...
මේ කියන්න යන්නෙ නෝටා ගැන.
ලංකාවෙ, අපේ චන්ද ප්‍රකාශ කරන ක්‍රමේට අනුව අපි කෙනෙක්ට අකමැති නම් ඒක ප්‍රකාශ කරන්න විදිහක් නෑ.. එක්කෝ චන්දෙ නොදා ඉන්න ඕනෙ..නැතිනම් චන්දෙ කටු ගාන්න ඕනෙ ..එහෙමත් නැතිනම් කුණුහරපයක් චන්ද කොලේ ලියන්න ඕනෙ(මෙය මම්ම් රෙකමදාරු කරන්නක් නොවේ..නමුත් වර්තමානයේ සිදුවන්නක්)...ඔච්චර තමයි අපිට චන්ද ප්‍රතික්ෂේප කරන්න ක්‍රම තියෙන්නෙ...නමුත් මේ එකකින්වත් දේශපාලුවන්ට බලපෑමක් තියෙනවද,පහු ගිය කාලෙ සුප්‍රකට මාතෘකා වලදි කතා වුන විදිහේ උකුණු පුකක තරම්වත් බලපෑමක් තියෙනවද..නෑ.. කොටිං කිවුවොත් දේශපාලුවො දන්නෙවත් නැතිව ඇති කී දෙනෙක් තමන්ට අමනාපද..කී දෙනෙක් තමන්ට විරුද්ධව කුණුහරප ලියලා තිබුණද..කී දෙනෙක් තමන්ට නොදී චන්දය අවලංගු කලාද කියන එක...අවලංගු චන්ද ප්‍රමාණය සමස්ථයක් විදිහට කියනවා මිසක එක් එක් පුද්ගලයාට හෝ පක්ෂ වලට වෙන වෙනම අමනාප ප්‍රමාණය ගිණීමේ හෝ ප්‍රකාශ කිරීමේ ක්‍රමයක් අපේ සාම්ප්‍රදායික චන්ද ප්‍රකාශ කිරීමේ ක්‍රමයේ නෑ...ඒවා චන්ද ගණන්කිරීමේ මධ්‍යස්ථාන හා මැතිවරණ කොමිසමෙන් මෙහාට අපිට දැන ගන්න විදිහක් නෑ..
නමුත් බොහෝ රටවල මේක වෙනස්..දුර යන්න ඕනෙ නෑ..අපි ලගම නෑයා දිහා බලමු..ලගම නෑයා සිරස නෙමේ ඉතිං..
ඒ තමයි ඉන්දියාව...
නිව්ටන් පිලුම කී දෙනෙක් බලලා තියෙනවද?!...බලපු අයට මතක ඇති..චන්ද මධ්‍යස්ථානෙට නැක්සල් වාදීන් ප්‍රහාර එල්ල කරද්දිත් නිව්ටන් පණ වගේ ආරක්ෂා කරගන්න හදන්නෙ මොකක්ද කියලා..ඒ මොකක්වත් නෙමෙ..චන්ද ප්‍රකාශ කරන යන්ත්‍රය නොහොත් EVM(Electronic Voting Machine ) එක..

මේ යන්ත්‍රයේ තිබෙන බොත්තම් එබීමෙන් තමයි ඉන්දියාවෙ චන්දය ප්‍රකාශ කරන්නෙ..එම දත්ත යන්ත්‍රය ඇතුලෙම ගබඩා වෙනවා..ඒ මගින් තමයි පසුව චන්ද ප්‍රතිඵල ගණනය සහ ප්‍රකාශකිරීම වෙන්නෙ..
ඉන්දියාවෙ මැතිවරණ සම්බන්ධයෙන් සුප්‍රකට විකල්පයක් තමයි නෝටා..
ඉන්දීය ශ්‍රේෂ්ඨාධිකරණයට සිවිල් සංවිධානයකින් ඉදිරිපත්වුන පෙත්සමක් සළකා බලා ශ්‍රේෂ්ඨාධිකරණයෙන් දුන් නියෝගයකට අනුව ඉන්දීය මැතිවරණ කොමිසම විසින් EVM එකට නෝටා බොත්තම ඇතුළත් කරනවා.. අපි මේ නෝටා එක අමනාප විදිහට හදුන්වමු...
මේ විකල්පය ලබා දීමත් එක්කම මෙය සෑහෙන්න ජනප්‍රිය වෙනවා..සමහර මැතිවරණ වලදි ලබාගත් මනාප ප්‍රමාණයට වඩා අමනාප සංඛ්‍යාව වැඩියි..උදාහරණ විදිහට කිවුවොත් 2017 ගුජරාත් ප්‍රාන්ත මැතිවරණයේ සහ 2018 දී මධ්‍යප්‍රදේශ් , රාජස්තාන් සහ කර්ණාටක් මැතිවරණ වලදී ලබා ගත් මනාප ප්‍රමාණයට වඩා අමනාප ප්‍රමාණය වැඩි වුනා..කෙසේ වුවත් ඉන්දියාවෙ නම් අපේක්ෂකයෙක්(න්) ලබා ගත් මනාප ප්‍රමාණය ඉක්මව අමනාප ප්‍රමාණයක් තිබුණත්, ලබා ගත් මනාප සළකා බලා ඉන් ඉහලම ප්‍රමාණය ලබා ගත් අයව තෝරා පත් කර ගනු ලබනවා.. එහෙත් මෙම ක්‍රමය නිසා පක්ෂ වලින් නාම යෝජනා ලබා දීමේදී දිගින් දිගටම අමනාප වාර්තා කරන අපේක්ෂකයෙක්(න්) ට නාමයෝජනා ලබා නොදීමේ ප්‍රවණතාවක් තියෙනවා..උන්න හැටියට මලා මදිද?!..
ඔන්න ඔය නිසාම තමයි නෝටා අපේ රටටත් අවශ්‍ය වන්නෙ..නමුත් මම නම් කියන්නෙ අපේ රටට ඔය නෝටා ක්‍රමය හදුන්වා දෙනවා නම් එය ඉන්දියාවෙ ක්‍රමෙට නැතිව වෙනස්ම ක්‍රමයකින් විය යුතුයි...
එනම්..
එක්කෝ කෙනෙක් /පක්ෂයක් ලබා ගත් අමනාප ප්‍රමාණය මනාප ප්‍රමාණය ඉක්මවා යන්නේ නම් ඔවුන්ව කෙසේවත් තෝරා නොගැනීමට හැකි වන ලෙසත්..
හෝ
එක් එක් පක්ෂය සහ අපේක්ෂකයා ලබා ගත් මනාප සහ අමනාප ප්‍රමාණයන් ඇතුළත් වාර්තාවක් ලබාගෙන චන්ද ප්‍රතිඵල සමගින් එම වාර්තාවද නිකුත් කල හැකි වන ලෙස
මෙම ක්‍රමය අපේ රටෙව් ක්‍රියාත්මක කළ යුතුයි..මේ නිසා අපේ රටෙත් පක්ෂ නාම යෝජනා දීමේදී දිගින් දිගටම අමනාප ස්කෝ කරන අයට නාමයෝජනා නොදීමට පෙළඹුනොත් සහ/හෝ දිගින් දිගටම අමනාප ලබා ගන්නා අපේක්ෂකයන් ප්‍රකාශ වීම නිසා චන්ද දායකයා විසින්ම සිය බුද්ධියෙන් විමසා ඉදිරියට එවන් අපේක්ෂකයන්ට සහ ඔවුන් ඇතුළත් පක්ෂ වලට චන්දය නොදී සිටීමට කටයුතු කළහොත් එයම ප්‍රජාතාන්ත්‍රික ජයක් නොවේවිද?
නමුත් දේශපාලන හොරගෙඩියන් සිටින මෙවන් රටක අධිකරණ නියෝගයකින් තොරව නම් මෙය සිදු වීම හීනයක් පමණයි..නෝටා තබා EVM වත් මෙරටට හදුන්වා දෙන්න මෙව් හොරගෙඩියන් ඔඩ තබාවිද යන්න ගැටළුවක්...
එම නිසා ඒ සදහා අවම වශයෙන් පෞරයන් හැටියට අපි හෝ පෙළ ගැසිය යුතුයි..
ප්‍රජාතන්ත්‍රවාදයේ නාමයෙන් කලු කොඩි එසවීම , පාගමන් යාම, විරෝධතා සේම හො ඊටත් වඩා මෙය ප්‍රායෝගික හා සාර්ථක වේවි යන්න මගේ අදහසයි..
ඔබේ අදහස ?!

භාරතයේ විත්ති - 31 - 'කුම්භ මේලා'

    (2013 Kumbhamela at Prayagraj)

ලොව විශාලම හින්දු ආගමික සැණකෙළිය වන්නේ කුම්භ මේලාවයි..මෙය ලොව විශාලම ජන සහභාගීත්වයක් ඇති ආගමික උත්සවය ලෙසත් සැළකෙනවා....

මෙවර (2019 ජනවාරි 15 සිට මාර්තු තෙක් ) ප්‍රයාග් රාජ් හි පැවැත්වෙන එය සදහා මිලියන බැතිමතුන් 120 සහභාගී වනු ඇතැයි ඇස්තමෙන්තු කර තිබෙනවා..මෙම ප්‍රමාණය පෙබරවාරි 4 දිනට යෙදෙන සුහම නැකැත් යෙදෙන දිනදී මීට වැඩි වනු ඇතැයි විශ්වාස කෙරෙනවා..

කුම්භ මේලාව (පූර්ණ කුම්භ මේලාව ) පැවැත්වෙන්නේ වසර දොලහකට එක් වතාවක්..එම නිසාම ලෝ පුරා හින්දූන්ට එය ඉතා විශේෂ අවස්ථාවක් වෙනවා... පූර්ණ කුම්භ මේලාවට අතර මැද අර්ධ කුම්භ මේලාවන් පැවැත්වෙනවා..ඒ වසර හයකට වතාවක්... ඊයේ පටං ගත්තේ ඒ වගේ අර්ධ කුම්භ මේලාවක්.. ප්‍රයාග් රාජ් හි අවසාන පූර්ණ කුම්භ මේලාව පැවැත්වුනේ 2013 අවුරුද්දේ..ඊලග පූර්ණ කුම්භ මේලාව පැවැත්වෙන්නෙ 2025 අවුරුද්දෙ..
මහා කුම්භ මේලාවක් පවත්වන්නෙ පූර්ණ කුම්භ මේලාවන් දොලහකට පස්සෙ..ඒ කියන්නෙ අවුරුදු එක්සිය හතලිස් හතරකට එක් වතාවක්...


මොකක්ද මේකෙදි වෙන්නෙ...


මේකෙදි සිද්දවෙන්නෙ ගංගා සහ ජමුනා (යමුනා ) නදීන්ට පුරවෘත්ත වල සදහන් වන සරස්වති නදිය එක් වන සංගම් නම් ස්ථානයේ බැතිමතුන් ස්නානය කිරීමයි...
                                     ( Sagam = එකතු වීම)

නමුත් එම ස්ථානයේ හැර කුමන හෝ ;කුම්භ මේලා පැවැත්වෙන නගරයක තිබෙන ගංගාවක ස්නානය කිරීමත් සිද්ධ වෙනවා..නමුත් මේ උත්සව පැවැත්වෙන්නේ වෙනස් වෙනස් කාල වල... එම කාලය තීරණය වන්නේ හින්දූන්ගේ වික්‍රම්සම්වාත් නම් ලිත සහ ජ්‍යෝතිෂ්‍යයට අනුව..

මේ අනුව 
  • නාස්කි හි දී ගෝදාවරී නදියේ සහ උජ්ජයිනී (උදේනී) හිදී ක්ෂිප්‍රා නදියේද එකම වසරේ හෝ එකකට එක ලග වෙනස් වර්ෂවලදී ග්‍රහ මණ්ඩලයේ සූර්‍ය ,චන්ද්‍ර සහ ගුරු ග්‍රහයන්ගේ හැසිරීම අනුව තීරණය වන දිනකදී ;එනම් උජ්ජයිනී හිදී ගුරු සිංහ රාශියේද සූර්‍යයා මේෂ රාශියේද හෝ ගුරු ,හිරු සහ සදු තුලා රාශිගත වන කාර්තික අමාවක් දිනකදීද සහ නාසික් හිදී ගුරු සිංහ රාශියේ හෝ ගුරු, හිරු සහ සදු තිදෙනාම කටක රාශියේ ස්ථාන ගත වන අමාවක් දිනක දී ද,
  • හරීද්වාර් හිදී ගංගා නදියේද ,ප්‍රයාග්‍ රාජ් (2018 වන තෙක් අලහාබාද් ලෙස හැදින් විය..උත්තර් ප්‍රදේශ් ප්‍රාන්තයේ ) හි දී සංගම් (ඉහතින් සදහන් කල ලෙස ) හි වර්ෂ හයකට හෝ දොලහකට එක් වරක් බැගින් ගුරු, හිරු සහ සදු ග්‍රහ හැසිරීම මත තීරණය වන දිනකදී ; එනම් ප්‍රයාග්රාජ් හිදී ගුරු මේෂ රාශියේද හිරු හා සදු මකර රාශියේ ද හෝ ගුරු වෘෂභ රාශියේ සහ හිරු මකර රාශියේ ස්ථාන ගත වෙද්දී හෝ ගුරු වෘෂභ රාශියේද සහ හිරු මකර රාශියේද රාශිගත වන දිනකදීද .. හරීද්වාර් හිදී ගුරු කුම්භ රාශියේද හිරු මේෂ රාශියේද ස්ථාන ගත වෙද්දී
මෙම උත්සවය පැවැත්වෙනවා.

මෙම ස්ථාන හතරෙන් විශාලම උත්සවය පැවත්වෙන්නේ ප්‍රයාග්රාජ් හිදී ය..
                          (@ Sangam ; Prayagraj)

මීට අමතරව කුම්භකෝණම් හි වසර දොලහකට වරක් පැවැත්වෙන මහාමහම් උත්සවය හා කුරුක්ෂෙක්ත්‍ර හා සෝන්පත් හි පැවැත්වෙන සමාන උත්සවත් එම උත්සව සිදුකරන පූජකයන් විසින් කුම්භ මේලා ලෙසින් හදුන්වනු ලබනවා...

මෙම උත්සවය පැවැත්වෙන දිනයන්හිදී මෙම ස්ථාන වල ස්නානය මගින් සිය පවු සේදී යන බව හින්දූන් අදහනවා...තවද ගංගා නදියේ සුදු වන් ජලයත්..ජමුනා නදියේ කලු වන් ජලයත් එකතු වන සංගම් හි ස්නානයෙන් නැවත උප්පාද වීමක් (වසර දහසකදී වත්) සිදු නොවෙන බවත් ඔවුන් අදහනවා...
මෙම උත්සවය කොයි කාලෙක ඉදන් සිද්ද වෙන දෙයක්ද යන්න අපැහැදිලියි..


මොකක්ද මෙහෙම නාන්න විශේෂ හේතුව?!

හින්දු පුරාණ වලට අනුව මෙම උත්සවයේ නිධානයට එක් එක් හේතු සදහන් වෙනවා..නමුත් පොදු කාරණය නම් සුර අසුර යුද්ධය සහ අමෘත කලයයි..
 (Churning the sea bu Suras and Asuras)

සමුද්‍ර මන්තන් (මුහුද කැළඹීම) නම් ග්‍රන්ථයේ මෙ පිළිබද මුල්ම සදහන් වෙන බව විශ්වාස කෙරෙනවා..
සුරාසුර යුද්ධය අතර වෛශ්ණව් විසින් කිරි මුහුද කැළඹීමෙදී නොඑක් වස්තූන් හමු වූ අතර ඉන් ප්‍රධාන දෙකක් වන්නෙ හලා හල විෂ සහ ඊට සපුරා විරුද්ධ දෙය වන අමෘතයයි (අම්‍රිත්) . අමෘතය සොයා ගැනීමෙන් පසුව එය කලයක දමන සුරයන්, අසූරයන් විසින් එය උදුරා ගනීවි යැයි බියෙන් එය එතැනින් පිට කරවනවා..සමුද්‍ර මන්තන් ට අනුව මෙය ගෙන යන ලද්දේ දෙවියන්ගේ වෛද්‍ය වරයා වන ධනවන්තරී විසින් වන අතර වෙනත් විවිධ පුරාණෝක්ති වලට අනුව එය ගෙන යන ලද්දේ ගරුඩ හෝ ඉන්ද්‍ර හෝ මෝහිණී විසිනි..සමුද්‍ර මන්තන් ට අනුව ධනවන්තරී අමෘත කලය (අම්‍රිත් කුම්භ) රැගෙන යන අවස්ථාවේ කුම්භ මේලාව පැවැත්වෙන නාසික්, හරීද්වාර්,උජ්ජයිනි සහ ප්‍රයාග්‍ රාජ් හි නැවතී සිට තිබෙනවා..අනෙක් කතාවන්ට අනුව ආකාෂයෙන් අමෘතකලය රැගෙන යන විට අමෘත බින්දු මෙම ස්ථාන හතරට වැටී තිබෙනවා...මේ අනුව විවිධ පුරාණයන් ට අනුව විවිධ ගුරුකුල විසින් විවිධ විශ්වාසයන් දරණවා...


චීන දේශාටක හ්‍යුංසාං භික්ෂුව විසින් ඔහුගේ වාර්තා වල ශෛලාධිත්‍ය රජු විසින් පවත්වනු ලැබූ කුම්භ මේලාවක් ගැන සටහන් කරනවා...මෙය ගංගාවන් දෙකක් එකතු වන තැනක සිද්ද වුන බැව් සදහන් වන නිසා එම වාර්තාවේ සදහන් වන්නේ ප්‍රයාග් රාජ් හි 'සංගම්' විය හැකියි..එය කුම්භ මේලාව ගැන සදහන් වන ඓතිහාසික වාර්තා වලින් වැදගත්ම එකක්..

1903 දී ප්‍රයාග් රාජ් හි කුම්භ මේලාවට බැතිමතුන් 400,000 ක් ද

1998 හරිද්වාර් කුම්භ මේලාවට (අප්‍රෙල් 14 දින ) බැතිමතුන් මිලියන 10 ක් ද

2001 ප්‍රයාග් රාජ් පූර්ණකුම්භ මේලාවට දින 55ක් තුල බැතිමතුන් මිලියන 70ක් ද

2007 ප්‍රයාග් රාජ් අර්ධකුම්භ මේලාවට දින 45ක් තුල බැතිමතුන් මිලියන 70ක් ද

2013 ප්‍රයාග් රාජ් පූර්ණකුම්භ මේලාවට මිලියන බැතිමතුන් 120 ක් ද සහභාගී වූ බවට වාර්තා වෙනවා..


ප්‍රයාග් රාජ් හි දැන් පැවැත්වෙන අර්ධකුම්භ මේලාව සදහා ඉන්දීය රුපියල් බිලියන 42 ක් ( ඇ.ඩො. මිලියන 580 ක් ) වැය වෙන බව කියවෙනවා... මෙහිදී ලොව පුරා නන් දෙසින් පැමිණෙන හින්දූන් ගේ නවාතැන් සදහා හෙක්ටාර 2,500ක තාවකාලික නගරයක් ඉදි වන අතර තාවකාලික වැසිකිලි 122,000 ක් ඉදි වෙනවා..
මෙහිදී තනි පුද්ගලයෙක් සදහා සුදුසු වන ටෙන්ට් (dormitory tents) සිට තරු පහේ ටෙන්ට් වන තෙක් පරාසයක ටෙන්ට් මෙම තාවකාලික නගරයේ ඉදි වෙනවා..
(A part of the temporary town created for 2019 Kumbh mela)

ඉන්දීය දුම්‍ රිය සේවය මගින් විශේෂ දුම්‍ රිය වාර 800ක් මේ සදහා සැළසුම් කර තිබෙනවා..මෙම ප්‍රදේශ වල ආරක්ෂාව සදහාද විශේෂ වැඩපිළිවෙළක් ක්‍රියාත්මක වෙනවා.. මිනිසුන් මිලියන ගණනින් ගැවසෙන ස්ථාන ත්‍රස්ථවාදීන්ගේ හොද ගොදුරු බවට පත්වීමට ඇති ඉඩකඩ වැඩි වීම ඊට හේතුවයි...ඉන්දීය සෞඛ්‍යය සේවය, ඉන්දීය ජලසම්පාදන සේවය,සහ තවත් සිය ගණනක රාජ්‍යායතන සහ රාජ්‍ය නොවන සංවිධාන වල සහාය මේ සදහා ලැබෙනවා...
මේ වන විට කුම්භ මෙලාව ආගමික උත්සවයකට අමතරව සෑම තැනකම සිදුවන්නාක් සේම විශාල ව්‍යාපාරික අවස්ථාවන් රැසක් බවට පත්ව තිබෙනවා...
මීට අමතරව කුම්භ මේලාව ලොව පුරා සිටින හින්දූන් විශාල ප්‍රමාණයකට එක තැනකට රැස්ව සිය අදහස් උදහස් අත්දැකීම් දැනුම හුවමාරු කරගැනීමට ඉඩක්ද සලසා දෙනවා..
මේ වන විට යුනෙස්කෝ සංවිධානය විසින් කුම්භ මේලාව අස්පෘෂ්‍ය සංස්කෘතික උරුමයන් යටතේ ලෝක උරුමයක් ලෙස ප්‍රකාශකොට තිබෙනවා..


කෙසේ හෝ කුම්භ මේලාව අවසන් වනු ඇත..එහෙත් අවසානයෙන් පසු තාවකාලික නගරයන් ඉවත් කිරීමටත් වඩා බරපතල වන්නේ ගංගාවන් අපවිත්‍රවීම කරණකොටගෙන ඇතිවන ජලපිරිපහදු කිරීමේ අපහසුතාවයන් සහ ඒත් සමග ඇතිවන අධික පිරිපහදු පිරිවැයයි..සෑම කුම්භ මේලාවකටම අමතරව ඉන්දීය රජයට මේ සදහා අතිරේකව ඉන්දීය රුපියල් කෝටි ගණනක් වෙන් කිරීමට සිදු වෙනවා..මෙය කුම්භ මෙලාවට අමතරව ගංගාවන් ආශ්‍රිතව සිදුවන අනෙක් සෑම ආගමික උත්සවයකින් පසුවත් සිදුවන්නක්..නමුත් කුම්භ මේලාව සැමටම වඩා ලොකු බැවින් බලපෑමද කෙතෙක් වේදැයි සිතන්න... ඉන්දියාව වැනි ආගමික උත්සව පිරි රටකට මෙම පිරිවැය වසරකට කොතෙක් දැයි යන්නත් අපට හිතා ගැනීමට අපහසුයි..
(Labours cleaning Jamuna after a religious festival)

ජල දූෂණයට අමතරව එකතු වන ඝණ අපද්‍රව්‍ය , වායු දූෂණය, ශබ්ධ දූෂණය අනෙකුත් පාරිසරික බලපෑම් වේ...
මෙම උත්සවයෙන් පසු ඇතිවන බෝවන රෝග පැතිරී යාම සීඝ්‍ර වීම ඉන්දීය සෞඛ්‍ය සේවයට බලපාන එක් ලොකු ගැටලුවක්...
එහෙත් ඉන්දියාවට එය ගැටළුවක් නොවෙනු ඇත.. මොන ක්‍රමයකින් හෝ තව සියවස් ගණනාවක් යනතුරුත් එය පවත්වාවි...

නැවත හමුවෙමු
- අමිල -
Gallery









Ryohei Wada


ම්ම්ම්..මේ ලෑස්ති වෙන්නෙ 2018 අවසාන ලිපිය ලියන්න... මේ වෙලාවෙත් මම මතක් කරනවා මාවලිපි ලියන්න පොළඹවන විදිහේ ලිපි ලියපු..දැනට පෑන පැත්තකට දාලා ඉන්න Hosanda Weerasekara දොස්තර මහත්තයාව... 2017 අවුරුද්දෙ ඉස්සෙල්ලම ලිපි ලිවුවෙ එතුමා ලියපු ලිපි දැකලා ආපු මෙවුවා එක නිසා...

කවුද Ryohei Wada කියන්නෙ... අවුරුදු සීයකට විතර කලින් ජපානයේ දුප්පත් පවුළක ඉපදිච්ච දැරිවියක්.. පවුල තරමක් ලොකු වුන නිසා සහ දැරිය නොහැකි දුප්පත් කම නිසාම උපන් දවසෙ ඉදලාම මේ දැරිවියට පවුලෙ එතරම් සැළකිල්ලක් ලැබෙන්නෙ නෑ.. කොහොම හරි මේ දැරිවිය යාන්තම් යොවුන් විය පහු කරගෙන එන කාලේ එයාගෙ පවුලෙන් වෙන් වෙලා ඔසාකා නගරයට සංක්‍රමණය වෙනවා... ඇවිත් විවිධාකාරයේ කර්මාන්ත කරනවා..දිවි ගැට ගහ ගන්න... දුප්පත් කමත් සමගම ජපනුන්ට හිමි නොපසුබස්නා විරියෙන් යුත් මේ දැරිවිය ලේසියෙන් කිසි දෙයකින් සැළෙන ජාතියෙ කෙනෙක් වුනේ නෑ...
කොහොම හරි මැයගෙ තරුණ කාලය ගැන එතරම්ම විස්තර හොයා ගන්න අමාරුයි..නමුත් 1930 දශකයේ මැය සිල්ලර කඩයක් පටං ගන්නවා...ඇගෙ නොපසුබස්නා විරිය, කාරුණික සේවය ,අවංක භාවය වගේ ගොඩාක් හේතු නිසා මේ සිල්ලර කඩය දවස ගානෙ දියුණු වෙනවා.. අන්තිමේ 1948 වෙද්දි Yaohan Co.Ltd. නමින් සමාගමක් විදිහට සංස්ථාපණය වෙන්නෙ මේ කඩය..සමා වෙන්න ඒ වනවිට සිල්ලර් කඩයක් නෙමෙව් තරමක් විශාල සුපිරි වෙළදසැල් ජාලයක්..දකුණු ටෝකියෝවේ විශාලම සුපිරි වෙළදසැල් ජාලය වුණේ Yaohan වෙළදසැල් ජාලයයි...ඒ විතරක් නෙමේ ලෝකයේ විශාලම කොටස් වෙළදපළක් වන ටෝකියෝ කොටස් වෙළදපොළේත් මේ සමාගම ලැයිස්තුගත වෙනවා..

දිනෙන් දින දියුණුවත් සමගම මේ ව්‍යාපාරය ජපාන දේශ සීමාවන් පැනලා අහල පහල රටවල් වලටත් යනවා..මේ වෙනකොට Ryohei Wada ගෙ දරුවන් තමයි ව්‍යාපාරය කරගෙන ගියෙ. .දරුවන්ගේ ප්‍රතිපත්ති Ryohei ගේ ප්‍රතිපත්ති සමග නොසැසදුන වාර ගණන වැඩියි...
කෙසේ හෝ 1980 හා 90 දශක වන විට සමාගම් සමූහය රටවල් 16ක ශාඛා 450 කින් යුතු ලෝකයේ විශාල සුපිරි වෙළදසැල් ජාලයක් වුනෑ.... ජපානයට සහ චීනයට අමතරව සාඕ පෝලෝ,හොනොලුලු,වැන්කුවර්,ලන්ඩන්
,ලොස් ඇන්ජලීස් ,කැලිෆෝනියා,සැන්ජෝස් යන ලෝකයේ ප්‍රධාන නගර වල Yaohan සිය බල පරාක්‍රමය පැතිරවූවා..පසුව මැකාඋ ,සිංගප්පූරුව සහ මැලේසියාව තෙක්ද එය විහිදුනා...
හොංකොං කොටස් වෙළදපොළේද ලැයිස්තුගත වුන සමාගම එරට ප්‍රසිද්ධ සමාගම් කිහිපයකුත් අත්පත් කර ගන්නට යෙදුනා..
මෙම සමාගමේ ප්‍රතිපත්තියක් වූයේ සමාගමේ සේවකයන්ට අණිවාර්‍ය පුහුණු වැඩසටහන් මාලාවන්ට සහභාගී විය යුතුය යන්න නීතියක් ලෙස පැනවීම සහ වාඩා පවුලෙ අය විශ්වාස කල Seicho-no-le නම් ආගමක විශ්වාසයන් ඉගැන්වෙන පංති සදහා අණිවාර්‍යෙන්ම සහභාගී විය යුතු වීමත් පසුව සේවකයන් ද එම ආගමටම බදවා ගැනීමට කටයුතු කිරීමත් ය..
කෙසේ හෝ Yaohan ඉවක් බවක් නැතිව ව්‍යාප්ත කිරීමට යාමේ ප්‍රතිඵලයක් ලෙස දැරිය නොහැකි ණය කන්දරාවකට යට වන්න සිදු වුණා..එත් සමග සමාගම කොටස් දෙකකට වෙන්ව සමාගම් දෙකක් බවට පත් වුණා..ඉන් එකක් ජපානයේද අනික හොංකොංහි ද සංස්ථාපනය කෙරුණා...1998 අගොස්තු 11 වනතෙක්ම හොංකොං කොටස් වෙළදපොළේ කොටස් විකිණුනේ Yaohan International Co.Ltd. නමින්..

1997 මුලු ආසියාවම වෙලාගත් මූල්‍ය අර්බුධය සහ ජපානය තුල ඇති වුන අර්බුධ නිසා Yaohan බුන්වත්භාවය ප්‍රකාශ කරමින් අධිකරණයට ගියා..ඒ වන විටත් සමාගමේ ණය ප්‍රමාණය යෙන් 161 ක් වුණ බව වාර්තා වෙනවා...යුද්ධයෙන් පසු ජපානයේ සිදු වුන විශාලම ආර්ථික බිද වැටීමක් ලෙස මෙය වාර්තා වෙනවා..1997 සැප්තැම්බර් 18 දින Japanies Rehabilitation Law යටතේ සමාගම අධිකරණය ඉදිරියේ ණය හිමියන්ගෙන් ආරක්ෂාව අපෙක්ෂා කලා..ශාඛා විශාල ගණනක් එක දිගට වසා දමා ස්ථාවර හා ජංගම වත්කම් ද්‍රවශීල වතකම් බවට පත්කර ණය හිමියන්ට පියවීමට කටයුතු කෙරුණා .
2000 මාර්තු මස Aeon සමූහය විසින් Yaohan අත්පත් කරගෙන Maxvalu Tokai ලෙස නම වෙනස් කලා..අලුත් සමාගම විසින් හොංකොං හි තිබුනු සමාගම සහ ශාඛාවන් ද අත්පත් කර ගත්තා..එය Jusco නම් සමාගමක් ලෙස ලියාපදිංචි වුනා..එක්සත් ජනපදයෙ පිහිටි ශාඛාවන් Mitsuwa,Maruwa සහ Marukai සමාගම් විසින් අත්පත් කර ගත්තා..කැනඩාවේ පිහිටි ශාඛාවන් තායිවානයේ President සමූහ ව්‍යාපාරය විසින් අත්පත් කරගත්තා...
මැකාඋ හි පිහිටි ශාඛාව පමණක් New Yaohan යන නමින් නැවත ව්‍යාපාර පටං ගත්තා සහ එය Yaohan International Co.Ltd. පාලනය වුවත් එම සමාගම තවදුරටත් වාඩා පවුළ සමග සම්බන්ධ තාවයක් තිබුනේ නෑ..Yaohan හි ප්‍රකට සන්නාමයක් වු Yaohan best .. Best Denki නමින් වෙනස් වුනා..

ඉතිං මුල ඉදන් මේක කියෙවුව අය හිතන්න ඇති මේ මිනිහා මොකටද මේ ගැන අපිට කියන්නෙ කියලා.. කිසිදු විශේෂයක් නොවෙන තවදුරටත් ලෝක ප්‍රකට සමාගමක් හෝ සන්නාමයක් නොවන එකේ මේක ගැන මොකට කියනවද..
ඒ එක කාරණයක් නිසා..කතාව මුල් හරිය කියවන කොට අපිට (1980 සහ 90 දශකයේ දරුවන් ..ඊයෙ පෙරේදා අය දන්නෙ නැත්තම් දන්න කෙනෙක්ගෙන් අහ ගන්න) හුරු පුරුදු ආදරණීය චරිතයක් මතක් වුනේ නැද්ද.. නෑ?!..
ඒ තමයි ඔෂින් <3 <3 <3 ... ඔෂින් ගෙ කතාවට මූලික පදනම වැටෙන්නෙ Yaohan නිර්මාතෲ වරිය වුණ Ryohei Wada ගේ චරිත කතාවෙන්..අවාසනාවට ඇගී චායාරූපයක් සොයා ගන්න නෑ.

ඉතිං අද මට බස් එකේ යනකොට ඔෂින් මතක් වුනේ තාමත් මගෙ ෆෝන් එකේ රිගින් ටෝන් එක විදිහට තියෙන්නෙ ඔෂින් එකේ තේමා වාදනය නිසයි... https://www.youtube.com/watch?v=MJ5iG5cOB3o
ඔන්න ඉතිං ඇත්ත ඔෂින් ගෙ කතාව..සමහරු දැනං ඉන්නත් ඇති..සමහරු නැතිවත් ඇති...

1980 දශකයේ ජපානයේ NHK රූපවාහිනී ආයතනය විසින් උදෑසන කතාමාලාවක් ලෙසින් විකාශය කිරීමට ආරම්භ වුන ඔෂින් කතා මාලාව ජපානයේ වැඩිම පිරිසක් නැරඹූ කතා මාලාව සහ ලොව පුරා වැඩිම භාෂා ගණනකින් හඩ කවා විකාශනය වුන කතා මාලාව ලෙසත් වාර්තා ගත වෙනවා මෙන්ම IMBD අගය 8.3/10 වෙනවා..ජපානය තුල ඔෂින් ට ඇති ආදරය නිසාම එය 2013 දීත් නැවත සිනමා පටයක් ලෙස නිර්මාණය වුනා..එය නරඹා නෑ..

ලංකාවේ හතර වතාවක් ඔෂින් විකාශය වුනා සහ ඒ හතර වතාවෙම කිසිදු එපා වීමකින් තොරව ඔෂින් නැරඹූ කෙනෙක් මම...ඉතින් ඒ නිසාම මම තාමත් ඔෂින්ට ආදරෙයි...
ඔෂින් කතා මාලාවේ ළමා ඔෂින් ගේ චරිතය කොබයාෂි අයාකෝ විසින් ද..අපි වැඩියෙන්ම ආදරය කරන තරුණ , ලස්සන ඔෂින්ගේ චරිතය යුකො ටනකා විසින්ද අපිට කතාව කියන මහලු ඔෂින් චරිතය ඔටොවා නොබුකෝ විසින්ද ඉදිරිපත් කලා...

යුද්දෙ කාලෙ ඔෂින් කාපු රාබු බත් එහෙම තාම මතකයි..
ඉතිං ආයෙ වතාවක් ඔෂින් පෙන්නුවොත් කිසිදු එපා වීමකින් තොරව බලන්න සූදානම්..ඒත් දැන් ජාතික රූපවාහිනී හඩකැවීම් අංශය ටයිටස් තොටවත්තයන්ගේ හෝ අතුල රන්සිරිලාල්ගේ පාලනයේ නොවන නිසා එය ගැන කීම අපහසුයි...
බලා සිටිමු...



නැවත හමු වෙමු
-අමිල-

Beyond reasonable doubt,සාධාරණ සැකයෙන් ඔබ්බට ......19 - "hElLo KiTty"


(අප්රිය සහගත සිදුවීම් ගැන ලියා ඇති බවට අනතුරු අගවමි)
1999 මැයි මාසෙ දිනක හොංකොං වල Tsim Sha Tsui පොලිසියට වයස 14 විතර ගැහැණු ළමයෙක් එන්නෙ මද සිහියෙන් වගේ.. ඇය පොලිස් නිලධාරීන් හමුවේ කියා සිටි කතාව විශ්වාස නොකල ඔවුන් ඇය මානසික රෝගිනියක් සේ සලකා සිටියා...එහෙත් පුන පුනා කියna ඇගේ කතාව හමුවේ ඉහල නිලධාරියෙක්ගේ උපදෙස් මත පොලිස් නිලධාරීන් ඇය සමග යාමට පිටත් වුණා..කොහෙටද ? නො.31,Granville Road වෙතට...
ඇය පවසා සිටියේ හැමදාම ඇයට කරදර කරන මියගිය කාන්තා ආත්මයක් ගැනයි...
නො.31 හි පදිංචිව සිටියේ හොංකොං හි නම ගිය මත් ද්රව්ය ජාවාරම් කාරයෙක් වුණ 34 හැවිරිදි චං මැං ලොක් සහ ඔහුගේ මිතුරන් වුණ 27 වියැති ලෙඋං ෂිං චාඕ සමගින් 21 වියැති ලෙඋං වයි ලුං යන අයයි... ඉහත කී 14 වියැති ;මාධ්යය විසින් ආහ් ෆොං ලෙසින් හැදින්වූ දැරිය 34 වියැති චං ගේ පෙම්වතියයි...
මේ කණ්ඩායම මත්ද්රව්ය ජාවාරමට අමතරව නීතිවිරෝධී යැයි සැළකෙන ජාවාරම් රැසක්ම සිදු කල අයයි.. ගණිකාවන් සැපයීම ඉන් එකක්...
චංගේ විනෝදාංශයක් වූයේ ප්රසිද්ධ ජපං වෙළදනාමයක් වූ හෙලෝ කිටී වෙළද නාමය යටතේ එන දෑ එකතු කිරීමයි..නිවසේ සෝෆා වල කුෂන් කවර, ජනෙල් දොරවල් වල තිර රෙදි, බුමුතුරුණු, ඇදුම් , මුළුතැන්ගේ උපකරණ හා නිවස පුරා තබා තිබූ විවිධාකාරයේ බෝනික්කන් සියල්ලම හෙලෝ කිටී නිෂ්පාදනයි..
ආහ් ෆොං ගේ ප්රකාශයට අනුව පොලිසිය නිවසට පැමිණෙන විට මිතුරන් තිදෙනා එහි සිටියේ නෑ... නිවස පරීක්ෂා කිරීමේදී ආහ් ෆොංගේ මග පෙන්වීමට අනුව පොලිසිය විසින් සොයා ගන්නවා තරමක් විශාල හෙලෝ කිටී බෝනික්කෙක්.එය හෙලෝ කිටී හිසකින් සහ දිය කිදුරියකගේ ශරීරයෙන් යුත් බෝනික්කෙක්... බෝනික්කාගෙ හිස ලෙහූ පොලිසියට දක්නට ලැබුනේ ජුගුප්සා ජනක දර්ශණයක්... ඒ බෝනික්කාගේ හිස තුල පුලුන් ගුලිවලට ඇලී ගිය මස් සහ සම් කැබලි වලින් යුතු ඕජස් ගලන , කුණු ගද වහනය වන කාන්තා හිස් කබලක්....


*** *** *** *** *** *** *** *** ***
23 වියැති ෆැං මං යී රාත්රී සමාජ ශාලාවක සේවිකාවක්.

ඇය විවාහව කුඩා පිරිමි දරුවෙක්ගේ ද මවක් වුනා.. විවාහයට පෙර ඇය ගණිකා සේවයේ යෙදුන කෙනෙක්.ගණිකා සේවෙයේ යෙදී සිටී කාලයේ නො.31 හි පදිංචිව සිටි මිතුරන් තිදෙනා ඇයගේ ගණු දෙණු කරුවන් වුනා..ඔවුන් සමග ඇය නිතර එහෙ මෙහෙ යන්න පුරුදු වී සිටියා.. දවසක් කණ්ඩායම් නායක චං ගේ මුදල් පසුම්භියක් ෆැං සොරා ගන්නවා..එහි ඒ වෙනකොට හොංකොං ඩොලර් 20,000ක් පමණ මුදල් තිබී තිබුණා (ඇඩො. 2,560 ක්)... මුදල් පසුම්බිය ගැන පසුව ඇගෙන් කල ප්රශ්න කිරීම් වලදී චං හමුවේ ඇය කියා සිටිනවා ඇය මුදල් සොරා ගත් බව... අධමයන්ගෙත් අධමයෙක් වුන චං කියා සිටියේ පොළියත් සමග මුදල් ගෙවන ලෙසයි.. පසුව ෆැං පොළියත් සමග ඇ.ඩො 10,000කට සමාන මුදලක් ඔහුට ගෙවනවා...එහෙත් චං ඉන් සැහුනේ නෑ.. ඔහු කියා සිටියේ ඩොලර් 16,000කට සමාන මුදලක් ගෙවන ලෙසයි..එහෙත් ෆැං ට ඒ අවස්තාවෙ කෙසේවත් එය ඉටු කල නොහැකි වුණා...
දින ගණනාවක සිට කල සැළසුමකට අනුව මිතුරන් තිදෙනා 1999 මාර්තු 17 දින ෆැං ව පැහැර ගන්නෙ ඇයව ගණිකා සේවයේ යොදවා මුදල් අය කර ගැනීමටයි ...ඇයව ගණිකා සේවයේ කිහිප විඩක්ම යෙදවූ ඔවුන් ඒ අතරේ ගෙවෙන කාලයේදි ඇයට දැඩි ලෙස වද දෙන්න පටං ගත්තා...මේවාට 14 හැවිරිදි ආහ් ෆොං දායක වුනේ හුදෙක්ම ඉන් ලැබූ විනෝදය නිසා බව පසුව ඇය කියා සිටිනවා.. මේ සේඩිස්ට් (Sadist) ලා හතර දෙනා ෆැං ට නොසෑහෙන වද දුන්නා.. ආහ් ෆොංගෙ සාක්ෂි වලට අනුව ඒ හිංසාවන් කිහිපයක් නම්,
• ප්ලාස්ටික් පුච්චා ඇගේ මුහුණට ,කකුල්වලට සහ සමට වැටීමට සැලස්වීම.
• ඉන් ඇති වුණ තුවාල වලට මිරිස් සොස් දැමීම.
• සිවු දෙනාගේ මලපහ කෑමට සැලැස්වීම.
• ඇගේ මුවට මුත්රා කොට බලහත්කාරයෙන් ඒවා පෙවීම.
• වෙලාවක් අවෙලාවක් නැතිව ඇයට පහර දීම.
• එක් වතාවක් වයරයකින් ඇයව සිවිලිමේ එල්ලා කකුල් වලට ලෝහ බට , කැඩුනු මේස කකුල් සහ ලී වලින් පහර දීම.මෙය නැවත්වූයේ ඇගේ ඇගිලි කැඩී යටිපතුල් පුපුරු ගැසූ පසුයි(ආහ් ෆොං ගේ සාක්ෂි)
• තවද ආහ් ෆොං පවසා සිටියේ තව වතාවක චං නොනවත්වා ෆැං ට 50 කට අධික වතාවක් පයින් පහර දුන් බවයි..
මසකට ආසන්න කාලයක් ෆැං විසින් මරණය ආයාචණා කරමින් මේ නිරා දුක් විදිමින් සිටියා... ඇයට කන්න ලැබුනේ නෑ..ලැබුණත් ඒ කෑම සුලු ප්රමාණයක් සහ වැඩිමනක් මිතුරු කණ්ඩායමේ මලපහයි 😥😥😥😥😖😖🤬
සියලු වධ බන්ධන අවසන 1999 අප්රේල් මස මැද දිනකදි ඇය නාන කාමරයේම සිය අවසන් සුසුම් හෙලුවා .ඒ වන විටත් ඇය නානකාමරය තුළ ඇගේම ජරාව මැද දින දෙකක් ගත කොට තිබුණා..
උදෑසන අවධිව ඇය මිය ගොස් ඇති බව දුටුවත් ඒ නිරිසත්වයන්ට එය එතරම් ගාණක් වුණේ නෑ...ඔවුන් අසල තිබුණු වීඩියෝ ක්රීඩා මධ්යස්ථානයකට ගොස් ක්රීඩා කොට, හවස් වරුවේ ගෙදර විත් නිසල ෆැංගේ මල සිරුර තිබුණු නාන කාමරයේම සසල නොවී ස්නානය කර නිදා ගෙන සිට රාත්රී ආහරයෙන්ද පසුව මලසිරුරට කලයුත්තේ කුමක් දැයි කතා වුණා.. අවසනයේ තීන්දු කලේ මල සිරුර කුඩා කැබලි වලට කපා දැමීමටයි..
එ අනුව නාන බේසමට ෆැං ගේ සිරුර දැමූ ඔවුන් කියතකින් එය කුඩා කැබලි වලට කැපුවා... කැපීමට අපහසු හිස වෙනම තැබුවා..
කුඩා කැබලි වලට කැපූ කැබලි භාජනයක දමා තැම්බුවේ මිනිස් මාංශ වල ස්වභාවය සහ ගද ඉවත් කිරීමටයි... දිනකිහිපයක් තිස්සේ මේ මස් තැම්බීම කල අතර ඒ මුළුතැන්ගෙහිම ඔවුන්ගේ දෛනික ආහාරද , එම භාජනම යොදාගෙන සැකසුණා..ඔවුන් කිසි හිරිකිතයකින් තොරව ඒවා කෑමටත් ගත්තා...මස් තැම්බීමෙන් පසුව ඒවා කුණු බහාලන බෑග් වල දමා ඉවත් කිරීමට කටයුතු කලා..

එහෙත් උරයක දැමූ අභ්යන්තර ඉන්ද්රීයයන්ගෙන් කොටස් කිහිපයක් ඉවත් කිරීමට අමතක වීමෙන් හෝ ඔවුන්ට මග හැරෙනවා..
ඉතිරිව තිබුන හිස් කබල හෙලෝ කිටී බෝනික්කාගේ හිස තුලට දමා මැසූ ඔවුන් එය ආලින්දයේ සුපුරුදු තැනම තබා ඔවුන්ගේ දෛනික කටයුතු සුපුරුදු ලෙස කරගෙන ගියා ....
එහෙත් අපරාධ වලින් තැම්බී නොසිටි තවමත් 14 වියැති ආහ් ෆොං ට මෙය ඉවසා සිටිය නොහැක්කක් වුණා.. ඇයට නිතර නිතර ෆැං ගේ වේදනාකාරී කෑ ගැසීම් සහ ඇමතීම් ඇසෙන්නට වුණා.. ඇය පැවසූ පරිදි ඇය කිහිප වතාවක්ම ෆැංව ආලින්දයේ සහ නානකාමරයේ දුටුවා...
මේ සිදු වීම් වලින් නිදහසක් නැති තැන ඇය තීරණය කරනවා සියල්ල නීතිය හමුවේ වමාරන්න.... ඇය 1999 මැයි මස පොලිසියට යන්නෙ ඒ අනුවයි..

$$$ $$$ $$$ $$$ $$$ $$$ $$$ $$$ $$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

ආහ් ෆොං ගේ ප්රකාශය සහ ලද සාක්ෂි අනුව යමින් පොලිසිය වහා මිතුරු කණ්ඩායම අතඩංගුවට ගත්තා.. හිස් කබලට අමතරව සාලයේ වැටී තිබුණු ෆැං ගේ දතක් සහ ඉවත් කිරීමට අතපසු වුන, කුණු වෙමින් පැවති ෆැං ගේ අභ්යන්තර කොටස් ද පොලිසිය විසින් සාක්ෂි ලෙස රැගෙන ගියා...

- නඩුව-
 
චුදිතයන්ට එරෙහිව නඩුව ජූරි සභාවක් ඉදිරියේ ඇසුණා.. ඔවුන් ප්රකාශ කර සිටියේ ඔවුන් ෆැං ව මරා නොදැමූ බවයි .. එහෙත් ඇයට නීතිය අනුව හිමි විය යුතු ගෞරවාන්විත අවසාන කටයුත්තක් ලැබීමට නොසැලැස්වීම යන චෝදනාව ඔවුන් පිලිගත්තා ...එය හොංකොං නීතිය අනුව අපරාධයක්...
විත්තියේ නීතිවේදීන් තර්ක කරමින් කියා සිටියේ ෆැං විසින් methamphetamines නම් ඖෂධය අධිමාත්රාවෙන් ලබාගත් හේතුවෙන් මිය ගිය බවයි... ඇතැම් පුද්ගලයින් විසින් ලිංගික උත්තේජනය ලබා ගැනීමට මෙම ඔසුව භාවිතා කරන බව වාර්තා වෙනවා...
එහෙත් ෆැං ගේ සැමියා සාක්ෂි දුන්නේ ෆැං ගැබ් ගැනීමට පෙර ඇය මෙම ඔසුව භාවිතා කිරීමට පුරුදුව සිටි බවත් , ගැබ් ගැනීමෙන් පසු සහ දරුවා ලැබීමෙන් පසුවද ඇය කිසි දිනක එය භාවිතා නොකල බවයි... තවද එම ඔසුව ෆැංට ලැබුනේ කෙසේද යන්න ඔප්පු කිරීමට විත්ති පාර්ෂවය අපොහොසත් වෙනවා..
එහෙත් පැමිණිලි පාර්ෂවයට මුහුණ පෑමට වු ලොකුම ගැටළුව නම් ෆැං ගේ මරණයට නියම හේතුව කීමට අධිකරණ වෛද්යවරුන් පවා අපොහොසත් වීමයි..ඊට හේතුව නම් ෆැං ගේ සිරුරේ වැදගත්ම කොටස් තම්බා විනාශ කර තිබීමයි...

-තීන්දුව-
 
සති හයක කාලයක් තිස්සේ ඇසුනු නඩුව අවසානයේ ජූරිය තීන්දු කරනවා ;අණිවාර්ය් මරණ දඩුවමක් ලබා දීමට අවශ්ය වන , ෆැංව මෙම පුද්ගලයන් විසින් ම මැරුවාය යන්න සාධාරණ සැකයෙන් ඔබ්බට ඔප්පු නොවන බව සහ එසේ මුත් මොවුන්ගේ ක්රියා කලාපයන් හේතුවෙන් ඇති වුණ තත්ත්වයන් ඇගේ මරණයට බලපෑමක් ඇති කර ඇති බව...


ජූරියේ නිර්දේශය අනුව විනිශ්චයකාර පීටර් න්ගුයෙං විසින් ඔවුන්ට ලබා දිය හැකි උපරිම දඩුවම වන ජීවිතාන්තය තෙක් සිර දඩුවම තිදෙනාටම තීන්දු කරන්නෙ 20 වසරක් යන තුරු කිසිදු සමාවකට යටත් නොවන බවටද තීන්දු කරමින්.. ආහ් ෆොං නීතිපතිවරයා විසින් නිදහස් කිරීමට නිර්දේශ වන්නෙ රජයේ සාක්ෂි කරුවකු වූ නිසා සහ ඇගේ අරමුණ ෆැං ව මැරීමට ම වූ එකක් බව ඔප්පු නොවීම නිසයි...

-පසු සිදුවීම්-
මෙම සිදු වීමෙන් පසුව හෙලෝ කිටී නිෂ්පාදන වලට ඇති ඉල්ලුම සීග්රයෙන් පහල ගිය බව එම සමාගම වාර්තා කොට තිබුනා.


එමෙන්ම මිතුරන් වාසය කල නො.31 දරණ නිවාසය කිසිවෙකු විසින් කුලියට හෝ මිලට නොගත්තෙ දරුණු අපරාධයක සෙවණැලි සහ ඒ අතර සැරිසරන ෆැං ගේ ආත්මය ගැන කට කතා ප්රදේශය පුරා පැතිරුන බැවිනි...


පසුව අදාල මහල් නිවාස සංකිර්ණයේ අනෙත් වාසින්ද එය අත් හැර ඉවත්ව යන්නට වුනේ සම්පූර්ණ මහල් නිවාසයම හිස් ගොඩනැගිල්ලක් බවට පත් කරමින්..පසු කාලයේදී ව්යාපාරියෙක් විසින් මෙම ගොඩනැගිල්ල මිලට ගෙන බිමට සමතලා කර දමනවා...
අපරාධ කරුවන් සදහා සමාවට වැට බැදි වසර 20 අවසාන වන්නෙ ලබන වසරේදීය...
ඉන් පසු කුමක් වේදැයි නොදනිමි..


තීදුව ප්රකාශ කරමින් විනිශ්චයකාර වරයා සිය දේශණයේදි පහත දෑ කියා සිටියා..


"Never throughout the years in Hong Kong has a court heard such cruelty, depravity, callousness, brutality, violence and viciousness, perpetrated by a human being, or human beings, on another human being,”
“Even an animal would not have been maltreated in the same way as that received by the deceased.”
"It’s difficult to mention a perversion worse than that,”
“In my mind, the three of you treated the corpse with such callousness and lack of feeling that when she was alive, you [probably] did not treat her like a human being, but like an object.”

- The court is adjourned -

- Amila -

Gallery





The Speaker of the house 'කතානායක'

 මේ දවස් වල හොදට හෝ නරකට ලංකාවේ දනන් තුඩතුඩ රැව් දෙන නමක් තමයි 'කතානායක'...
කතානායක කියන තානාන්තරේ එසේ මෙසේ එකක නෙමේ..බොහොමයක් රටවල් වල කතානායක කියන්නෙ රාජ්‍යයේ තුන්වැනි පුරවැසියා වගේම රාජ්‍ය ප්‍රධානියාගේ අනුප්‍රාප්තිකයන්ගේ ලැයිස්තුවේ දෙවන තැනට සිටින පුද්ගලයා වෙන්නෙත් කතානායක වරයා...
කතානයක තනතුරට වසර හයසිය ගණනක දීර්ඝ ඉතිහාසයක් තියෙනෙවා..1377 එංගලන්ත පාර්කිමේන්තුවේ ප්‍රධානියා හැදින්වීමට මුල් වරට "Speaker of the house" යන්න භාවිතා වුණා..ඒ අනුව වාර්ථා වන මුල්ම කතානායක වරයා වන්නේ 1377 එංගලන්ත පාර්ළිමේන්තුවේ කතානායක වරයා වුන තෝමස් හැංගර්ෆොර්ඩ් ය...
කතානායක වරයාට පාර්ළිමේන්තුව සම්බන්ධයෙන් අධිකාරීන්,වගකීම් සහ යුතුකම් රාශියක් තිබෙන අතර ඉන් ප්‍රධානම කිහිපයක් පාර්ළිමේන්තු විවාද පාලනය කිරීම,පාර්ළිමේන්තු ස්ථාවර නියෝග ක්‍රියාත්මක කරවීම,පාර්ළිමේන්තුව තුළ සිදු වුන චන්ද විමසීම් වල ප්‍රතිඵල ප්‍රකාශ කිරීම සහ ක්‍රියාත්මක කරවීම,සිය අත්සන යොදා පාර්ළිමේන්තුවෙන් සම්මත වුන නීති බලාත්මක කරවීම ලෙස ගෙනහැර පෑ හැකියි...

ඇල්බේනියා,ඔස්ට්‍රේලියා,බංග්ලාදේශ්,බොට්ස්වානා,කැනඩා,චෙක් ජනපදය,ඩෙන්මාර්ක්,ඊජිප්ට්,එස්ටෝනියා,ෆින්ලන්ඩ්,ඝානා,අයිස්ලන්ඩ්,ඉන්ඩියා,ඉරාන්,ඉශ්‍රායල්,ජපානය,කෙන් යා,ලෙබනන්,ලිතුඒනියා,මැසිඩෝනියා,මැලේසියා,මෝල්ටා,නේපාල්,නෙදර්ලන්ඩ්ස්,නිව්සීලන්ඩ්,නයිජීරියා,පකිස්තාන්,පිලිපීන්,සිංගපෝර්,ස්ලොවැකියා,දකුණු අප්‍රිකාව,දකුණු කොරියාව,දකුණු සුඩානය,ශ්‍රී ලංකාව,ස්වීඩන්,ටොංගා,එක්සත්‍ රාජධානිය(house of lords-lord speaker, house of commons - speaker ),එක්සත් ජනපදය,වනුආටු,සිම්බාබ්වේ යන රටවල් 'කතානායක/Speaker' යන්නද...
 
ආර්මේනියා (presindent of the assembly ),ඔස්ට්‍රියා (president of the council ),බෙල්ජියම්,කාම්බෝජය,හොංකොං,මැකාඋ,ක්‍රොඒෂියා,ප්‍රංශය,ජර්මනිය,ග්‍රීසිය,හංග්‍රේ,ඉටලි,ලිබියා,මෙක්සිකෝ,මොල්ඩෝවා,මොන්ටෙංගෝ,නෝර්වේ,පැරගුවේ,පෘතුගාලය,සර්බියා,ස්පේන්,ස්විට්සර්ලන්ඩ්,තයිවාන්,තයිලන්ඩ්,වෙනිසුඒලා යන රටවල් 'සභාපති/presindent ' යන්නද....
 
චීනය,ඉන්දුනීසියාව,කොසෝවෝ,ලැට්වියා,උතුරු කොරියාව,රුසියාව,සුරිනාම්,යුක්‍රේන්,විඑට්නාම් 'සභාපති/chairman' ලෙසද....බල්ගේරියාව 'chairperson' ලෙසද .. අයර්ලන්තය 'head of the council ' ලෙසද...පෝලන්තය 'Marshal' ලෙසද... මෙම තනතුර හදුන්වනවා...

ලංකාවේ මුල් වරට මෙම තනතුර ඇති වන්නෙ 1931 ඩොනමෝර් ව්‍යවස්තාව යටතේ ඇති වුන රාජ්‍යමන්ත්‍රණ සභාවේ/State council of Ceylon ය..1947 සෝල්බරි ප්‍රතිසංස්කරණ යටතේ මන්ත්‍රණ සභාව ඉවත් කොට පාර්ළිමේන්තුව ක්‍රියාත්මක කරවීමත් සමග 'speaker' යන නමින් එම තනතුර හැදින්විමට යෙදුනා...එම ප්‍රතිසංස්කරණය යටතේ ලංකා පාර්ළිමේන්තුවේ කොටස් දෙකට ප්‍රධානීන් දෙදෙනෙකු සිටියා..
Upper House/ Senate - Head of Senate ලෙසද House of representatives - Speaker of the house ලෙසද හැදින් වුනා...
                                       (The first speaker of the State Council of Ceylon as well as the Parliament of Ceylon;Alexander Francis Molamure)

එතැන් සිට මෙතැන් වන තෙක් ලංකා පාර්ළිමෙව්න්තුවේ කතානායක ආසනය 24 වතාවක් වෙනස් වී තිබෙන අතර ඇතැමුන් දෙවතාව බැගින් තනතුර හොබවා තිබෙනවා...ඔවුන් වර්ෂය අනුව අනුපිළිවෙළින්


1. ඇලෙක්සැන්ඩර් ෆ්‍රැන්සිස් මොලමුරේ - 07/07/1931 - 10/12/1934
2. ෆොස්ටර් ඔගස්ටස් ඔබේසේකර - 11/12/1934 - 07/12/1935
3. වෛතිලිංගම් දුරේස්වාමි - 17/03/1936 - 06/07/1947
4. ඇලෙක්සැන්ඩර් ෆ්‍රැන්සිස් මොලමුරේ - 14/10/1947 - 25/01/1951
5. ඇල්බර්ට් පීරිස් - 13/02/1951 - 18/02/1956
6. හමීද් හුසේන් ෂෙයික් ඉස්මයිල් - 19/04/1956 - 05/12/1959
7. ටිකිරි බණ්ඩා සුබසිංහ - 30/03/1960 - 23/04/1960
8. ආර්.එස්.පැල්පොල - 05/08/1960 - 24/01/1964
9. හියු ෆර්නැන්ඩෝ - 24/01/1964 - 17/12/1964
10. ඇල්බර්ට් පීරිස් - 05/04/1965 - 21/09/1967
11. ෂර්ලි කොරෙයා - 27/09/1967 - 25/03/1970
12. ස්ටැන්ලි තිලකරත්න - 07/06/1970 - 22/05/1972
13. ස්ටැන්ලි තිලකරත්න - 22/05/1972 - 18/05/1977
14. ආනන්ද තිස්ස ද අල්විස් - 04/08/1977 - 07/09/1978
15. ආනන්ද තිස්ස ද අල්විස් - 07/09/1978 - 13/09/1978
16. බාකීර් මාකර් - 21/09/1978 - 30/08/1983
17. ඊ.එල්.සේනානායක - 06/09/1983 - 20/12/1988
18. එම්.එච්.මොහොමඩ් - 09/03/1989 - 24/06/1994
19. කිරි බණ්ඩා රත්නායක - 25/08/1994 - 10/10/2000
20. අනුර බණ්ඩාරනායක - 18/10/2000 - 10/10/2001
21. එම්.ජෝෂප් මයිකල් පෙරේරා - 19/12/2001 - 07/02/2004
22. ඩබ්.ජේ.එම්.(වි.ජ.මු) ලොකුබණ්ඩාර - 22/04/2004 - 08/04/2010
23. චමල් රාජපක්ෂ - 22/04/2010 - 26/06/2015
24. කරූ ජයසූරිය - 01/09/2015 සිට මෙතෙක්...


මහමැතිවරණයකට පසුව රැස් වෙන ප්‍රථම පාර්ළිමේන්තු සැසිවාරයේදි කතානායක, නියෝජ්‍ය කතානයක සහ සභානායක යන තනතුරු වලට පුද්ගලයන් තෝරා ගන්නවා..
1948 - 1971 දී කතානායක රාජ්‍ය ධූරාවලියේ පස්වන තැන සිටියා..ඒ අග්‍රාණ්ඩුකාර (governer general) ,අග්‍රාමාත්‍ය,අග විනිසුරු සහ සෙනෙට් සභාවේ සභාපති යන අයට පහලින්...
1971 - 1978 තෙක් හතර වන තැන සිටියේ අග්‍රාණ්ඩුකාර,අග්‍රාමාත්‍ය සහ අග විනිසුරු යන අයට පහලින්...
1978 න් පසුව කතානායක යනු ධූරාවලියේ තුන්වැන්නා බවට පත් වුණා
කතානායක තනතුරට එක් අයෙකුට වඩා වැඩි ගණනක් යෝජනා වුනහොත් චන්දයකින් පුද්ගලයෙක් තෝරාගන්නවා... මෑත අතීතයේදි මට මතක එවන් එක අවස්ථාවක් තිබෙනවා..ඒ 2004/04/22 දින ආණ්ඩු පක්ෂයෙන් ඩිවු ගුණසේකරත් , විපක්ෂයෙන් වි.ජ.මු.ලොකුබණ්ඩාරත් කතානායක තනතුරට යෝජනා කිරීමත් සමග ඇති උණුසුම් වූ තත්ත්වයයි .මෙහිදී ආණ්ඩුපක්ෂ අපේක්ෂකයා පරාද කරමින් විපක්ෂයේ අපේක්ෂජයා වූ විජමු ලොකුබණ්ඩාර කතානායක තනතුරට තේරීපත් වෙනවා...
කතානායක වරයාට රන් නූලෙන් වැඩ දැමූ කලු සැටින් රෙද්දෙන් නිමවූ නිල ඇදුමක් තිබෙන අතර විශේෂ අවස්ථා වලදි සුදු පැහැ 'විග්' එකක් පැළදීම සිදු වෙනවා..එහෙත් කතානායක වි.ජ.මු. මෙම නිල ඇදුම නොඇදීමත් එවක කතා බහට ලක් වුණා...

සෑම පාර්ළිමේන්තු සැසිවාරයකදීම සෙංකෝලය (ceremonial Mace) රැගෙන එන වේත්‍රධාරී (Serjeant-at-arms) පසුපසින් පාර්ළිමේන්තු සභා ශාලාවට පැමිණෙන,පාර්ළිමේන්තුවේ ප්‍රධානියා මෙන්ම රටේ තුන්වන පුරවැසියා වන කතානායක යනු අද අප පාර්ළිමේන්තුව සහ රටේ පළමු හා දෙවන පුරවැසියන් ලෙසම අවමානයට ලක්විය යුතු තනතුරක් නොවේ....
 
- අමිල-

Gallery

         The tomb of the first ever speaker (reported);Sir Thomas De Hungerford and his wife
                                      ජෝෂප් මයිකල් පෙරේරා
                                වි.ජ.මු.ලොකුබණ්ඩාර
                          චමල් රාජපක්ෂ
                        කරූ ජයසූරිය


                           The speaker of the house of UK ;John Bercow


                          The speaker of the house of United States ;Paul Ryan

 

another chapter..........

NOTA - "None of the above"

උඩින් මුකුත් නොදා එක පාරටම None of the above කියලා කිවුවම මේ මොකක්ද කියලා හිතුණද... මේ කියන්න යන්නෙ නෝටා ගැන. ලංකාවෙ, අපේ චන්ද ප්...

popular chapters